*

Heilsa 7. september 2018

165 þúsund króna líkamsræktarspegill

Sala á líkamsræktarspegli, sem gerir notendum kleift að fylgjast bæði með leiðbeiningum þjálfara og eigin hreyfingum, hófst í dag.

Líkamsræktartæknifyrirtækið Mirror (spegill) hóf sölu á samnefndri vöru í dag, sem er 40 tommu spegill með innbyggðum skjá. Spegillinn kostar 1.495 dollara, um 165 þúsund krónur.

Notendur stunda líkamsrækt fyrir framan spegilinn og fá leiðbeiningar frá þjálfara sem sýndar eru á skjánum, en sjá á sama tíma eigin spegilmynd og geta þannig borið eigin hreyfingar saman við leiðbeiningar þjálfarans.

Bæði er boðið upp á upptökur og leiðbeiningar í rauntíma, auk þess sem hægt er að kaupa einkaþjálfun gegn um tækið, þar sem spegillinn er með innbyggða myndavél.

Spegillinn sýnir einnig ýmsar upplýsingar eins og hjartslátt (hjartsláttarmælir fylgir), fjölda brenndra hitaeininga, og yfirlit í lok æfingar.

Tækinu er stjórnað með snjallforriti fyrir iPhone, en þar geta notendur valið sér æfingar, og slegið inn meiðsl eða sérstök áhersluatriði, sem tækið tekur þá til greina og býr til æfingaáætlun fyrir notandann.

Þá geta notendur slegið inn í forritið hvaða æfingabúnað þeir hafa tiltækan, og fá þá þjálfunarleiðbeiningar í samræmi við það.

Loks eru hátalarar innbyggðir í tækið, sem bæði getur spilað tónlist gegn um Spotify Premium, Bluetooth, eða spilað tónlist frá fyrirtækinu sjálfu.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim