*

Bílar 7. desember 2018

700 hestafla ofurbíll

Aðeins 200 eintök verða framleidd af hinum nýja Porche 911 GT2 RS Clubsport, sem frumsýndur var á dögunum.

Hinn nýi Porsche 911 GT2 RS Clubsport var frumsýndur í Los Angeles nýverið. Aðeins 200 eintök af þessum 700 hestafla ofurbíl verða framleidd til notkunar í hinum ýmsustu keppnisgreinum. 

Tækni þessa sérsmíðaða keppnisbíls er að mörgu leyti upprunnin frá hinum götuskráða ofurbil, 911 GT2 RS, líkt og í 935 sem Porsche kynntir nýverið. Hreyfillinn kemur frá hinum götuskráða 911 GT2 RS, hátæknilegt undur, 3,8 lítrar að rúmmáli með tveimur túrbínum. Sá er vitanlega staðsettur að aftanverðu sem fyrr og skilar sér í 310 millimetra breið afturdekkin í gegnum sjö gíra tvíkúplungs (PDK) gírkassa.

Líkt og í öðrum keppnisbílum frá Porsche skiptir ökumaður á milli gíra með sérhönnuðum flipum á stýrishjólinu. Staðsetning hreyfilsins, aftan við afturöxuls bílsins, tryggir ein-nig bestu mögulega rásfestu og bremsugetu í gegnum bremsur sérhannaðar með keppnisakstur í huga.

Líkt og hinn götuskráði 911 GT2 RS þá er hin 1390 kílógramma Clubsport útgáfa með PSM (Porsche Stability Management) stöðugleikakerfi með spólvörn og ABS hemlalæsivörn. Kerfi þessi eru stillanleg á ýmsan hátt, allt eftir því hvernig og hvar verið er að keyra bílinn.

Stikkorð: Porsche