*

Bílar 5. september 2018

Auris verður Corolla

Auris nafnið mun hverfa úr úrvali Toyota á næsta ári, en línan verður þess í stað titluð sem hlaðbaksútgáfa af Corolla-gerðinni.

Næsta kynslóð Toyota Auris, sem kynnt verður á fyrri hluta næsta árs mun bera Corolla nafnið sem hér eftir verður notað í stað Auris. 

Corolla verður eins og áður fáanleg í sedan útfærslu og nú bætast við bæði hlaðbakur eða hatchback og wagonútfærsla af bílnum. Allar útfærslur verða fáanlegar með Hybridbúnaði.

Corolla hefur selst í meira en 45 milljón eintökum frá 1966 sem gerir Corolla að mest selda bíl í heimi. 

Þessi breyting er til komin vegna nýrrar nálgunar Toyota á nafngiftir bifreiða á heimsvísu þar sem meðal annars var ákveðið að nota hið sögufræga nafn Corolla í Evrópu fyrir allar hlaðbaks-, wagon- og sedangerðir Toyota í C- stærðarflokki og leggja Auris nafnið til hliðar.

Mögulegir framtíðareigendur geta nú valið úr þremur mismunandi gerðum af Corolla. Fram undan eru nýir og spennandi tímar fyrir Corolla. Nýi bíllinn skartar kraftmikilli hönnun og ný 2.0 lítra Hybridvél á lofar góðu.

Corolla er mest seldi bíll í heimi og á sem slíkur stóran stað í vitund neytenda. Núverandi eigendur Auris munu áfram njóta sama stuðnings frá Toyota hvort sem um varahluti eða þjónustu er að ræða samkvæmt upplýsingum frá Toyota í Kauptúni.

Stikkorð: Toyota  • Corolla  • Auris