*

Heilsa 16. október 2017

Bjóða atvinnulausum afslátt í dans

Karlmenn, námsmenn auk atvinnulausra fá 10% afslátt á dansnámskeið í afrískum dansi sem byrjar á morgun.

Félagasamtökin Kizombo is Icelandic býður upp á námskeið í Kozombo dansinum frá Angóla sem hefjast á morgun. Um er að ræða byrjendanámskeið en námskeiðið kostar 18 þúsund krónur fyrir staka einstaklinga, en ef pör skrá sig kostar námskeiðið 16 þúsund krónur á mánuði fyrir hvorn um sig að því er fram kemur á heimasíðu félagsskaparins.

Það vakti hins vegar athygli Viðskiptablaðsins að á facebook síðu námskeiðsins eru frekari afsláttarkjör auglýst, en ekki einungis hefðbundin afsláttur fyrir námsmenn eins og oft er, heldur fá hvort tveggja karlmenn en einnig atvinnulausir sama afsláttinn.

Er um að ræða 10% afslátt í öllum tilvikum, sem gerir þá 1.800 krónur væntanlega ef gert er ráð fyrir stökum skráningum. Byrjendanámskeiðið fer fram á þriðjudögum milli 19:00 og 20:00, en strax í kjölfarið kemur framhaldsnámskeið milli 20:00 og 21:00. Til viðbótar er svo þriðja stig kennt á fimmtudögum klukkan 19:40 til 20:40.

Félagsskapurinn hélt á tímabili kizombo danskvöld á Bryggjunni brugghúsi á mánudögum en hefur nú fært sig yfir á annað hvort fimmtudagskvöld í Bazaar Oddsson á gamla JL húsinu við Hringbraut 121. Fyrir kvöldin er iðulega í klukkutíma ókeypis kynningartími. Auk þess verður síðasta fimmtudagskvöld í hverjum mánuði Kizombo danskvöld á Hressó með DJ Cyppie Afrosól.

Stikkorð: dans  • Angóla  • Kizombo  • karlmenn  • atvinnulausir
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim