*

Matur og vín 16. október 2017

Bjórframleiðsla og sala hafin á Ölverk

Bruggverksmiðjan Ölverk í Hveragerði nýtir 150° heita jarðgufu til framleiðslunnar sem gestum býðst að kynna sér.

Starfsemi í brugghúsi Ölverks í Hveragerði hófst formlega þann 6. september síðastliðinn og þá aðeins á eftir áætlun vegna umfangsmikilla framkvæmda sem ráðist var í. En nú tæpum 5 vikum síðar eru alls 5 bjórar fáanlegir úr brugghúsi Ölverks og aðrir sem bíða þess að komast á krana.

Að sögn Elvars Þrastarsonar, einn þriggja eiganda Ölverks, var mjög gaman  að komast aftur í hlutverk bruggmeistara en hjartað slær svo sannarlega í brugghúsinu þar hann kann best við sig. Það tók sinn tíma að læra á nýtt brugghús og þá nefnir hann helst jarðgufuna í framleiðsluferlinu sem x faktor.

Jarðgufan sem náðist inn í brugghúsið er 150°c heit en eftir smá byrjunarerfiðleika hefur hún staðið fyllilega fyrir sínu sem er afar ánægjulegt og gefur nýja nálgun á bjórframleiðslu á heimsvísu.

Það er yfirlýst markmið að hjá Ölverk að þar verði ávallt bruggaður bjór af fjölbreyttum toga, bæði fyrir hinn almenna neytanda sem og fyrir kröfuharða kunnáttumenn sem laðast að hinu óvenjulega og veigri sér ekki við  að sækja Hveragerði heim til þess að upplifa slíkt.

Ásamt að því að halda áfram vöruþróun er gert ráð fyrir að hefja innan skamms formlega móttöku á hópum í sérstökum sal þar sem boðið verður upp á sýnilega bjórverksmiðju, útskýringu á nýtingu orkunnar, sérstöðunni og framleiðsluferlinu auk þess sem gestum mun gefast kostur á að smakka framleiðsluna. Áhugasömum gefst tækifæri á að fylgjast með Ölverk lífinu inn Facebook  (Ölverk) eða inn á Instagram (olverkbrugghus)

Stikkorð: Bjór  • Hveragerði  • Ölverk  • Elvar Þrastarsson