*

Bílar 4. nóvember 2013

Brimborg frumsýnir nýjan Mazda3

Fyrri kynslóðir Mazda 3 hafa verið framleiddar í yfir 3,6 milljónum eintaka.

Brimborg mun frumsýna nýjan Mazda3 á laugardaginn. Þetta er þriðja kynslóð Mazda3 en fyrri kynslóðirnar tvær hafa verið framleiddar í meira en 3,6 milljónum eintaka. 

Mazda3 er búinn SKYACTIV spartækni Mazda sem nær fram hámarks nýtingu á eldsneyti án þess að fórna afli eða góðum aksturseiginleikum. Hönnun hans er í anda 'KODO - Soul of Motion'.

Mazda3 er þriðji bíllinn sem er hannaður með þessi tvö atriði að leiðarljósi. Fyrstu tveir voru Mazda CX-5 sportjeppinn sem var kynntur árið 2012 og svo Mazda6 sem var kynntur fyrr á þessu ári, segir í tilkynningu frá Brimborg. 

„Við finnum fyrir gríðarlegum áhuga fyrir nýja Mazda3. Allir horfa í eyðslutölur og þar er SKYACTIV spartæknin að koma virkilega vel út. Bíllinn er líka einstaklega glæsilegur enda hefur honum verið sérstaklega hampað fyrir rennilegt útlit. Líkt og með Mazda6 og Mazda CX-5 þá hafa bílablaðamenn verið gríðarlega ánægðir með nýja Mazda3. Hann er strax byrjaður að hirða til sín titla.“ segir Þórður Jónsson, framkvæmdastjóri Mazda.

Brimborg Akureyri mun frumsýna bílinn fimmtudaginn 7. nóvember.

Stikkorð: Mazda 3