*

Bílar 30. janúar 2016

Gerbreyttur töffari

Nýlega kom ný kynslóð af Nissan X-Trail og óhætt er að segja að breytingarnar á bílnum séu miklar og til hins betra.

Róbert Róbertsson

X-Trail er orðinn flottari þótt hann haldi alveg töffarasvipnum frá eldri kynslóð. Línurnar eru nýtískulegri og sportlegri á allan hátt. Innanrýmið er talsvert breytt þar sem meira hefur verið lagt í hlutina og vandað betur til verka miðað við forverann.

Þar eru komin ýmis nútíma þægindi eins og flottur upplýsingaskjár sem hægt er að tengja við fésbókina, Google og fleira. Ég fékk til prufuaksturs Nissan XTrail í dýrustu útfærslunni sem nefnist Tekna Plus.

Um er að ræða sjö sæta jeppling með 1,6 lítra dísilvél. Í þessari dýrustu útfærslu eru ýmis aukaþægindi eins og lyklalaust aðgengi, rafdrifið ökumannsæti með mjóbaksstuðningi og rafdrifin sóllúga.

Mikill búnaður

Nýr X-Trail hefur tekið mestum breytingum í aksturs- og öryggisbúnaði. Nýi jepplingurinn er bú- inn fjarlægðarskynjara að framan og aftan, neyðarhemlunarbúnaði, akreinavara, 360 gráðu myndavélarbúnaði þegar lagt er í stæði, skynjar umferðarskilti og birtir í upplýsingaskjá, bakkmyndavél, bremsubúnaði sem heldur við í brekkum (hill start assist), stöðugleikakerfi, bakkmyndavél, blindhornsvari o.fl.

Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð.

Stikkorð: Nissan  • X-Trail
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim