*

Sport & peningar 21. mars 2019

„Hefur einstakan metnað"

Atvinnukylfingurinn Ólafía Þórunn gerir tveggja ára samning við Bláa Lónið

Bláa Lónið og Ólafía Þórunn Kristinsdóttir hafa endurnýjað samstarfssamning sinn til tveggja ára og verður Bláa Lónið því áfram einn af aðalstyrktaraðilum atvinnukylfingsins sterka. Ólafía og Grímur Sæmundsen, forstjóri Bláa Lónsins, undirrituðu samninginn fyrir skemmstu en markmiðið með honum er líkt og áður að veita Ólafíu stuðning til keppni og æfinga.

„Við höfum átt frábært ár saman og áframhaldandi stuðningur frá Bláa Lóninu er mér mikilvægur. Eftir gott síðasta ár, dansandi á línunni rétt vitlausu megin, í íþrótt þar sem hársbreidd getur munað til að ná árangri, er gott að finna þennan stuðning. Það getur verið svo stutt í toppinn og því verður maður að halda áfram að vinna hörðum höndum og sjá hversu langt maður kemst,“ sagði Ólafía við undirritunina.

Grímur fagnar einnig áframhaldandi samstarfi enda hafi það verið einkar ánægjulegt.

„Ólafía sýnir mikla vinnusemi og hefur einstakan metnað og trú á því sem hún tekur sér fyrir hendur. Hún er þeim eiginleikum gædd að draga fram það besta í fólki og hefur meðal annars veitt okkur innblástur með fyrirlestrum sínum og jákvæðni innan vallar sem utan. Við hlökkum til áframhaldandi samstarfs.“

Ljóst er að Ólafía mun hafa í nógu að snúast á næstunni en keppnistímabilið er þegar hafið.

„Ég fór til Flórída í byrjun mars til að undirbúa mig fyrir fyrsta mótið mitt og þar með byrjaði ballið. Þetta ár verður skemmtilegt og mikið af nýjum áskorunum sem ég mun vonandi læra mikið af og ná settum markmiðum,“ segir Ólafía Þórunn.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim