*

Matur og vín 17. júlí 2017

Íslensk kjötsúpa á haustlegum sumardögum

Þegar íslenska sumarið býður upp á vætu og lægð er kjörið að elda mat sem yljar bæði líkama og sál.

Kolbrún P. Helgadóttir

Kjötsúpa er án efa einn af þjóðarréttum Íslendinga enda stútfull af íslensku og næringarríku hráefni. Svo bragðast hún einstaklega vel. Á heimasíðunni  http://lambakjot.is/heim.aspx má finna mikið magn uppskrifta þar sem lambakjöt er í aðal hlutverki. 

Íslensk kjötsúpa

Hráefni

c.a 3 L vatn

2.5 kg kjöt á beini

400gr rófur

400gr kartöflur

200gr gulrætur

40gr hrísgrjón

1 stk lítill laukur

c.a 5 c.m púrrulaukur

c.a 5 msk súpujurtir

c.a 2 msk salt

svartur pipar

 

Leiðbeiningar

Setjið vatnið í pottinn, skerið kjötið niður í bita og fituhreinsið ef þið viljið. 

Setjið kjötið í pottinn og látið suðuna koma upp. 

Fleytið mest allan soran ofan af kjötinu og látið suðuna koma upp.

Skerið niður grænmetið niður eins smátt og þið viljið. 

Setjið svo allt saman í pottinn og sjóðið í c.a 60 mín frá því kjötið fór í pottinn.