*

Bílar 1. maí 2019

Jaguar I-Pace Heimsbíll ársins

Við upphaf bílasýningarinnar í New York hlaut rafknúinn sportbíll frá Jaguar aðalverðlaunin auk hönnunarverðlauna.

Rafbíllinn sportjeppinn Jaguar I-Pace var kjörinn Heimsbíll ársins 2019 (World Car of the Year) við upphaf bílasýningarinnar í New York. Auk aðalverðlaunanna hlaut I-Pace hönnunarverðlaun ársins, (World Car Design of the Year) og umhverfisverðlaun ársins sem Grænasti bíll ársins 2019 (World Green Car of the Year).

I-Pace hefur verið tekið með kostum og kynjum síðan bíllinn fór á markað, sérstaklega í Evrópu þar sem 75% bílanna eru seldir og innviðauppbygging hleðslustöðva er orðin þróuð. Um er að ræða einn tæknilegasta rafbíl heims sem sett hefur alveg nýjan viðmiðunarstaðal í bílgreininni.

I-Pace er fjórhjóladrifinn fimm sæta sportjeppi með tvo rafmótora og 90kW rafhlöðu sem unnt er að hlaða frá 0-80% á innan við 45 mínútum með DC 100kW hleðslutæki. Drægni I-Pace er um 470 km (WLTP). Bíllinn er um 400 hestöfl og innan við 5 sekúndur úr kyrrstöðu í 100 km hraða. Rafmótorar I-Pace skila um 90% orku rafhlöðunnar beint til hjólanna.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim