*

Sport & peningar 31. maí 2017

Manchester United verðmætast

Ensk lið eru 6 af 10 verðmætustu knattspyrnufélögum heims.

Enska knattspyrnuliðið Manchester United er verðmætasta knattspyrnufélag heims samkvæmt skýrslu KPMG. Liðið sem er metið á 3.004 milljónir evra hefur þar með tekið fram úr Real Madrid sem er metið á 2.895 milljónir. Barcelona kemur svo í þriðja sæti, metið á 2.688 milljónir.

Enska úrvalsdeildinn á samtals sex af tíu verðmætustu félögum heims. Ástæðan er sú að ensk lið fá mun hærri tekjur af sjónvarpsréttarsamningum en önnur lið á listanum.

Manchester United er fyrsta liðið til þess að vera metið á meira en þrjá milljara evra. Liðið er með 26 alþjóðlega auglýsingasamninga, þar á meðal er treyjusamningur við Adidas auk þess sem Chevrolet er framan á treyjum þeirra. Skila þessir tveir samningar einir og sér liðinu tekjur upp á 122 milljónir punda á hverju ári.

Andrea Satori yfirmaður íþróttamála hjá KPMG segir að „samanlagt verðmæti 32 verðmætustu félaga heims bendi til þess heildarvirði knattspyrnuiðnaðarins hafi vaxið". Hann segir ástæðuna vera aukningu í sjónvarpstekjum en einnig hafi alþjóðavæðing í markaðssetningu þeirra, fjárfestingar í leikvöngum og betri stjórnarhættir skýrt vöxtin. 

10 verðmætustu knattspyrnulið heims

  1. Manchester United - 3.004 m. evra
  2. Real Madrid - 2.895 m. evra
  3. Barcelona - 2.688 m. evra 
  4. Bayern Munchen 2.367 m. evra
  5. Manchester City  1.909 m. evra
  6. Arsenal - 1.882 m. evra
  7. Chelsa - 1.524 m. evra
  8. Liverpool  - 1260 m. evra
  9. Juventus - 1.158 m. evra
  10. Tottenham Hotspur - 978 m. evra
Stikkorð: KPMG  • Manchester United  • Real Madrid