*

Bílar 9. janúar 2019

Metár hjá Volvo á Íslandi

Volvo hefur verið í mikilli sókn undanfarin ár á lúxusbílamarkaði á heimsvísu og hefur sett nýtt sölumet á hverju ári undanfarin ár.

Volvo hefur verið í mikilli sókn undanfarin ár á lúxusbílamarkaði á heimsvísu og hefur sett nýtt sölumet á hverju ári undanfarin ár. Íslendingar eru þar engin undantekning því hlutdeild Volvo af lúxusbílamarkaði er einstök og seldust yfir 600 nýir Volvo bílar á árinu. Brimborg fagnaði 30 ára afmæli á árinu sem umboðsmaður Volvo á íslandi og um leið stærsta ári Volvo frá upphafi á Íslandi.

Vinsælustu bílar Volvo eru jepparnir XC90, XC60 og XC40. Lúxusbílamarkaðnum má skipta upp í einkabílamarkað, fyrirtækjamarkað og sölu lúxusbíla til bílaleiga og er Volvo í sérflokki í tveimur fyrrnefndu.

Volvo með 36,7% hlutdeild einkabílamarkaði

Á einkabílamarkaði lúxusbíla ber Volvo höfuð og herðar yfir aðra lúxusbíla með 36,7% hlutdeild á árinu sem var að líða og jók söluna á þeim markaðshluta um 90%.

Volvo einnig stærst á fyrirtækjamarkaði lúxusbíla

Á fyrirtækjamarkaði lúxusbíla var Volvo einnig með mesta hlutdeild lúxusbíla eða 26% og jók söluna um 66%. Volvo var með um 8% hlutdeild í sölu lúxusbíla til bílaleiga og því var heildarhlutdeild Volvo á lúxusbílamarkaði 30,3%. Jókst sala Volvo um tæp 68% en 605 nýir Volvo bílar voru nýskráðir á árinu sem er eins og áður segir nýtt met í sölu Volvo á Íslandi.