*

Bílar 19. nóvember 2014

Mercedes-Maybach frumsýndur

Daimler hefur birt myndir af lúxusútgáfu af lúxusbílnum S-Class.

Þýski bílaframleiðandinn Daimler hefur birti fyrir stundu myndir af Mercedes-Maybach S-Class. Bíllinn er 35 cm lengri en hefðbundna flaggskip Mercedes Benz.

Daimler segir að bíllinn sé hljóðlátasti lúxusbíll í heimi og hann eigi sér enga beina samkeppni, þar sem hann verður verðlagður fyrir neðan ofurlúxusbílana frá Rolls-Royce og Bentley, og fyrir ofan lúxusbíla fram þýsku keppinautunum Audi og BMW.

Bíllinn verður í boði með 455 og 530 hestafal vélum og verður í boði með fjórhjóladrifi frá um mitt næsta ár.

Bíllinn var frumsýndur í Bandaríkjunum og Kína næstum samtímis. Það hvað Kínamarkaður er mikilvægur í huga bílaframleiðenda.

Daimler hefur ekki birt upplýsingar um verð bílsins.

 

Stikkorð: Maybach  • Mercedes-Maybach