*

Bílar 13. september 2018

Nýr Mazda CX-3 frumsýndur

Nýr Mazda CX-3 verður frumsýndur á næstkomandi laugardag í höfuðstöðvum Brimborgar.

Nýr Mazda CX-3 hefur verið endurhannaður að utan sem innan. Bíllinn er búinn næstu kynslóð af tækni og stíl frá þekktri Kodo hönnun Mazda.

Mazda CX-3 kemur með uppfærðu grilli, nýju sætisáklæði og armpúða svo eitthvað sé nefnt. Mazda CX-3 er eins og flestir sportjeppar með háa sætisstöðu og gott útsýni fyrir ökumann og farþega. Við hönnun bílsins var mikil áhersla lögð á gott efnisval í innréttingum ásamt þægindum og notagildi fyrir ökumann og farþega bílsins.

Bíllinn er með háþróaðri i-Activsense árekstrarvarnartækni sem eykur öryggið. Þá eru háþróaðir skynjarar, laser- og radartækni í bílnum sem aðstoða ökumann við að hindra alvarlega árekstra og slys meðal annars með aðstoð blindpunkts- og veglínuskynjunar.

Með SKYACTIV spartækni Mazda hámarkar nýtingu á eldsneyti. Mazda CX-3 er búinn nýjustu SKYACTIV-VEHICLE DYNAMICS tækni og er auk þess með G-VECTORING akstursstjórn sem er kerfi sem Mazda segir hannaði í anda fornrar japanskrar hugmyndafræði, Jinba Ittai. Kerfið skynjar fyrirætlanir ökumannsins eins og hesturinn skynjar knapann. Kerfi bílsins undirbúa hann fyrir akstur inn í og út úr beygjum með því að flytja þyngdarpunkt og breyta afli eftir aðstæðum.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim