*

Bílar 6. júní 2018

Nýr og breyttur A-Class

Á Sumarsýningu Öskju um helgina verður nýr, lengri og breiðar Mercedes-Benz A-Class bíll frumsýndur hér á landi.

Nýr Mercedes-Benz A-Class verður frumsýndur á Sumarsýningu Öskju á Krókhálsi á laugardag kl. 12-16. Talsverð eftirvænting hefur ríkt eftir komu þessa minnsta bíls Mercedes-Benz á markað. Nýr A-class hefur breyst talsvert í útliti á milli kynslóða. Bíllinn hefur breikkað og lengst svo pláss fyrir farþega og farangur er því töluvert meira en í forveranum.

A-Class er orðin hátæknivæddur eins og stærri lúxusbílar Mercedes-Benz og er búinn nýju MBUX kerfi sem bætir til muna allt notendaviðmót. Þá er bíllinn með hinu nýja og háþróaða raddstýringarbúnaði Hey Mercedes sem þýski lúxusbílaframleiðandinn hyggst setja í alla nýja bíla sína á næstunni en því má að mörgu leyti líka við Siri sem margir notendur Apple síma þekkja vel.

Nýr A-Class verður einnig fáanlegur með hinu magnaða Intelligent Drive sem m.a. má finna í flaggskipinu S-Class en það býður upp á hátæknivædd aksturs- og öryggiskerfi.

Þrjár vélar verða í boði í hinum nýja A-Class til að byrja með. A 180d með 116 hestafla dísilvél, A 200 með 163 hestafla bensínvél og síðan A 250 sem er talsvert aflmeiri bíll, eða 211 hestöfl. A-Class mun einnig koma í AMG útfærslu en áætlað er að hún verði frumsýnd um næstu áramót.

Stikkorð: Askja  • Mercedes-Benz  • frumsýning