*

Bílar 10. janúar 2019

Opna sérhannað Kia hús

Bílaumboðið Askja mun flytja alla sölu og þjónustu sína fyrir Kia bíla í nýtt og glæsilegt, sérhannað húsnæði að Krókhálsi 13.

Bílaumboðið Askja mun flytja alla sölu og þjónustu sína fyrir Kia bíla í nýtt og glæsilegt, sérhannað húsnæði að Krókhálsi 13. Sérstök opnunarhátíð verður haldin á milli klukkan 10-16 næstkomandi laugardag.

Síðustu ár hefur Kia verið á Krókhálsi 11 þar sem Bílaumboðið Askja er til húsa. Þar er einnig að finna söludeild fólksbíla Mercedes-Benz sem fá nú enn meira pláss og verkstæði fyrir Mercedes-Benz fólks- og atvinnubifreiðar.  Askja er því með þessu að aðskilja vörumerkin sín tvö bæði í sölu og þjónustu. „Síðustu 3 ár hefur Kia verið annað mest selda bílamerkið á Íslandi og hefur náð alveg ótrúlegum árangri bæði hér heima og erlendis. Þetta hefur verið lengi í deiglunni og orðið tímabært að gefa Kia meira svigrúm sem og Mercedes-Benz, en bæði merkin hafa náð góðum árangri hér á landi," segir Jón Trausti Ólafsson, framkvæmdastjóri Öskju.

Nýja Kia húsið er um 4.000 fermetrar að stærð en þar má finna aðstöðu fyrir glæsilegan sýningarsal fyrir nýja bíla, forgreiningu, söluskoðanir, hraðþjónustu og fullkomið bílaverkstæði með 18 vinnustöðvum. Húsið er sérhannað sérstaklega með tilliti til bílaumboðs. Það stendur svo til að hafa 30 rafbílastæði í kringum húsið fyrir viðskiptavini og starfsfólk, enda er Kia leiðandi í sölu rafbíla og með í dag 7 mismunandi gerðir rafbíla, tengiltvinnbíla og tvinnbíla í boði í sinni vörulínu.

Meðal nýjunga fyrir viðskiptavini eru bílaþrif, hjólbarðaþjónusta og hjólbarðahótel, hraðþjónusta, glerhúðunarmeðferð fyrir lakk og framrúðuskipti. Sérstök tilboð verða á nýjum bílum og þjónustu fyrir viðskiptavini í tengslum við opnunina. ,,Þetta nýja hús mun stórbæta aðstöðuna og þjónustuna fyrir viðskiptavini Kia og starfsfólk Öskju. Við hjá Öskju höfum því nú þrjá sýningarsali og getum sýnt fleiri Kia og Mercedes-Benz fólks- og atvinnubíla í aðskildum húsum. Þetta er orðið tímabært hjá okkur enda fyrirtækið stækkað undanfarin ár og árangur beggja okkar vörumerkja hefur verið góður," segir Jón Trausti ennfremur.

Stikkorð: Kia  • Askja
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim