*

Bílar 4. nóvember 2018

Porsche slær enn eitt metið

Porsche hefur slegið enn eitt metið á Slaufunni svokölluðu, eða Nürburgring-Nordschleife í samvinnu við Manthey-Racing.

Porsche hefur slegið enn eitt metið á Slaufunni svokölluðu, eða Nürburgring-Nordschleife í samvinnu við Manthey-Racing.

Fimmtudaginn 25. október síðastliðinn keyrði hinn 700 hestafla Porsche GT2 RS MR hinn 20.6 kílómetra langa hring á 6:40:3 mínútum. Enginn götuskráður sportbíll hefur áður farið hringinn á ámóta tíma. Lars Kern var við stjórnvölinn en bíllinn var sérstaklega útbúinn til keyrsu á Nordschleife brautinni af Porsche og sérfræðingum Mathey-Racing. Sami ökuþór Porsche hafði áður sett mettíma á sömu braut í september mánuði 2017 á "venjulegum" Porsche GT2 RS bíl.

,,Við höfðum vökult auga með veðrinu allan daginn og hugsuðum vel og lengi hvort tilraunin gæti borið ávöxt. Við hefðum aldrei reynt þetta ef það hefði verið einhver möguleiki á ofankomu og/eða ef brautin hefði verið rök eða blaut" sagði Dr. Frank-Steffen Walliser, yfirmaður akstursíþróttadeildar Porsche og GT bíla deildinni. Porsche GT2 RS bíllinn var búinn sérstökum búnaði frá Manthey-Racing, auk þess að vera stillt upp sérstaklega með akstur á Nürburgring-Nordschleife í huga. ,,Í þessum akstri vildum við hreinlega endurmeta getu bílsins. Útkoman var vel viðunandi. Þetta er stórkostlegur tími. Þetta sýnir enn og aftur hina mögnuðu eiginleika þessa  sportbíls."

Porsche GT2 RS var markaðssettur árið 2017 sem hraðskreiðasti og krafmesti 911 bíll allra tíma. Á undanförnum mánuðum hafa verkfræðingar Porsche notað þekkingu og reynslu sína frá þróun 911 RSR og 911 GT3 R kappakstursbílanna sem og þá þekkingu sem Manthey-Racing hefur aflað sér in ótal sigrum í kappökstrum á einmitt Nürburgring-Nordschleife. Breytingar og betrumbætur þær sem gerðar voru á bílnum snúa að undirvagni og loftflæði bílsins. Ávallt var þó einblínt á getu og virkni bílsins til keyrslu á vegum úti frekar en á kappakstrusbraut við þróun hans.

Stikkorð: Porsche