*

Ferðalög 19. desember 2018

Reynisfjara ein besta strönd í Evrópu

Reynisfjara í Vík í Mýrdal hefur verið valin ein besta strönd í Evrópu samkvæmt vefsíðunni flightnetwork.com

Reynisfjara í Vík í Mýrdal hefur verið valin ein besta strönd í Evrópu samkvæmt vefsíðunni flightnetwork.com. Íslenska fjaran vermir annað sæti listans en á toppnum trónir gríska ströndin Shipwreck Beach.

Á listanum má finna 50 bestu strandir í Evrópu en strandirnar eru metnar út frá fimm þáttum, meðal annars út frá ósnertri náttúru, gæðum, kyrrð og meðalhitastigi. 

Á síðunni er haft eftir Georg Haraldssyni hjá Iceland Travel að Reynisfjara sé ótrúlega fögur svört strönd á Suðurlandi.