*

Bílar 9. maí 2019

Sala hafin á Mercedes-Benz EQC

EQC, fyrsti hreini rafbíllinn í nýrri línu Mercedes-Benz, er nú kominn í sölu á Íslandi.

EQC, fyrsti hreini rafbíllinn í nýrri línu Mercedes-Benz, er nú kominn í sölu á Íslandi. Fyrstu bílar koma til landsins í ágúst en Ísland er er meðal fyrstu landa í heiminum sem fær þennan eftirsótta bíl. Nú er hægt að panta bílinn og samhliða því hefur Bílaumboðið Askja birt verðlista þar sem fram kemur að bíllinn kostar frá 9.390.000.

EQC er fjórhjóladrifinn sportjeppi í sömu stærð og GLC. Uppgefin drægni hans 374-417 km skv. WLTP staðli en hún getur verið mismunandi eftir búnaði bílsins. Bíllinn er með tveimur rafmótorum sem eru samtals 300 kW en það skilar bílnum 408 hestöflum og 760 Nm í togi. Dráttargeta sportjeppans er allt að 1,800 kg. EQC fer með krafta í kögglum og fer úr kyrrstöðu í hundraðið á aðeins 5,1 sekúndu samkvæmt upplýsingum frá framleiðanda.

Bíllinn er framúrstefnulegur og fallegur í hönnun. Bíllinn er mjög tæknivæddur og í innanrými bílsins er vandað til verka hvað varðar búnað, þægindi og efnisval. Þá er hann búinn hinu marglofaða MBUX margmiðlunarkerfi og stóru, stafrænu mælaborði. EQC er með nýjustu aksturs- og öryggiskerfi frá Mercedes-Benz. Þrjár útfærslur verða í boði af EQC með mismunandi búnaði og munu þær kosta frá 9.390.000 til 11.590.000 kr. með allt að 5 ábyrgð.

Bílaumboðið Askja býður til EQ kynningarkvölds miðvikudaginn 15. maí. Þar verður farið yfir framtíð Mercedes-Benz rafbíla með sérstaka áherslu á EQC. Auk þess sem sérfræðingar frá Orku Náttúrunnar og Hlaða.is halda stutt erindi um rafvæðingu bílaflotans og hleðslumöguleika.

Samhliða því að sala sé nú hafin á EQC á Íslandi hefur Mercedes-Benz gefið út smáforrit fyrir íslenskan markað sem ber heitið "EQ Ready". Smáforritið gefur notendum tækifæri til að fylgjast með eigin keyrslu og útfrá því meta hvort rafbíll hentar til daglegrar notkunar. Smáforritið gefur upplýsingar um orkunotkun, helstu hleðslustöðvar í nágrenninu og ýmsar aðrar gagnlegar upplýsingar sem nýtast þeim sem enn eru efins um noktunarmöguleika rafbíls.

Stikkorð: Mercedes-Benz  • EQC
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim