*

Bílar 10. maí 2017

Sölumet hjá Porsche

Þýski bílaframleiðandinn Porsche hafa aldrei afgreitt fleiri bíla á fyrsta ársfjórðungi eins og fyrstu þrjá mánuði ársins.

Fyrsti ársfjórðungur ársins 2017 verður skráður í sögubækurnar hjá Porsche því verksmiðjur þýska lúxusbílaframleiðandans hafa afgreitt fleiri bíla en nokkru sinni áður á fyrstu þremur mánuðum ársins.

Þessi árangur markar þar með besta tímabil í sögu fyrirtækisins. Á heildina litið nemur söluaukningin 7%.  Söluaukning hefur verið á öllum mörkuðum þótt mesti vöxturinn sé í Kína og á heimamarkaðnum Þýskalandi. Þær tegundir sem standa upp úr í árangrinum eru Panamera og Macan, en vöxturinn í sölu þeirra mælist í tveggja stafa tölum.

Porsche frumsýndi þrjú ný módel á Bílasýningunni í Genf; Panamera Sport Turismo, Panamera Turbo S E-Hybrid og 911 GT3. Þeir munu koma inná markaðinn hver af öðrum fram eftir árinu.

„Við búum nú yfir breiðari línu af Porsche sem höfðar til enn stærri markhópa og því fátt sem getur hægt á þessari jákvæðu söluþróun. Allir bera þeir í sér Porsche genin, þessi einu sönnu, og því leyfum við okkur að gera miklar væntingar til þeirra,“ segir Detlev von Platen, framkvæmdastjóri hjá Porsche.

Samkvæmt upplýsingum frá Bílabúð Benna, umboðsaðila Porsche á Íslandi, er sömu sögu að segja af íslenska markaðnum, fyrstu mánuði ársins. Macan og Cayenne E-Hybrid leiða söluaukninguna hérlendis og eins hefur nýja Panameran komið mjög sterk inn.

Stikkorð: Porsche  • Panamera  • Detlev von Platen