*

Bílar 7. nóvember 2018

Ssang Yong toppar breska ánægjuvog

Suður-kóreski bílaframleiðandinn Ssang Yong trónir á toppnum í ánægjukönnun á breska bílamarkaðnum.

Suður-kóreski bílaframleiðandinn Ssang Yong trónir á toppnum í ánægjukönnun á breska bílamarkaðnum; „The Honest John Satisfaction Index“.

Neytendamiðillinn Honest John stednur fyrir þessari könnun árlega en hann sérhæfir sig í málefnum neytenda á Bretlandi. Hann vinnur m.a. að hlutlausum úttektum sem hjálpa fólki við val á nýjum og notuðum bílum. 

Úrslitin ráðast hjá þeim sem upplifa gæðin frá fyrstu hendi, eigendum bílanna. Þeir gefa einkunnir fyrir aksturseiginleika, hagkvæmni í rekstri og áreiðanleika. Niðurstaðan í könnuninni, sem 10.000 breskir bíleigendur tóku þátt í að þessu sinni, liggur nú fyrir og trónir Ssang Yong á toppnum og kemur það kannski einhverjum á óvart. 

Könnunin staðfestir að hvorki meira né minna en 90.3 % Ssang Yong eigenda sögðust hæstánægðir með sinn bíl. Bílabúð Benna er umboðsaðili Ssang Yong á Íslandi og eru menn þar á bæ að vonum kátir með niðurstöðuna. Að sögn Benedikts Eyjólfssonar forstjóra Bílabúðar Benna, sem er umboðsaðili Ssang Yong, koma úrslitin sér ekki á óvart. 

„Við þekkjum gæðin hjá SsangYong og erum sannfærð um að merkið á mikið inni hér á landi.  SsangYong eru að gera góða hluti alls staðar þar sem þeir eru á markaði og þar að baki liggur metnaðarfull þróunarvinna. Við finnum líka vel fyrir því að sífellt fleiri Íslendingar eru að uppgötva þennan hagstæða kost sem Ssang Yong er.“ Bílabúð Benna bíður nú fjórar tegundir af Ssang Yong, sem allir eru fjórhjóladrifnir: Musso, Rexton, Korando og Tivoli. „Það segir sína sögu að nýjasti Rexton jeppinn var valinn 4X4 jeppi ársins, nú nýlega.“ segir Benedikt.