*

Bílar 7. mars 2018

Þrír tilnefndir sem Heimsbíll ársins

Range Rover Velar, Mazda CX-5 og Volvo XC60 hafa veirð tilefndir um aðalverðlaunin Heimsbíll ársins 2018.

Range Rover Velar, Mazda CX-5 og Volvo XC60 hafa veirð tilefndir um aðalverðlaunin Heimsbíll ársins 2018. Range Rover Velar er einnig tilnenfdur til hönnunarverðlaunanna World Car Design of the Year ásamt Volvo XC60 og Lexus LC 500. Velar er svolítill senuþjófur því hann er einnig tilnefndur sem best hannaði bíll ársins af 75 manna dómnefnd frá 24 löndum. Það kemur í ljós á bílasýningunni í New York í lok mars hvaða bílar hreppa eftirsótta bikara frá dómnefnd World Car Awards í ár. 

Tilkynnt var um undanúrslitin á bílasýningunni í Genf í gær. Gerry McGovern, yfirhönnuður Land Rover, segir hönnun allt um lykjandi í daglegu lífi fólks um allan heim. „Spennandi og falleg hönnun hefur auk þess þann mátt að geta hreyft við tilfinningum fólks. Það gerir fáguð og dulúðug ásýnd Velar sem kallar fram sterka nærveru þegar horft er á hann en ekki síður yfirveguð og glæsileg hönnun farþegarýmisins sem er nánast eins og helgidómur. Innri og ytri hönnun Velar hefur hitt beint í hjartastað þeirra sem njóta Velar um allan heim," segir hann.