*

Matur og vín 19. apríl 2018

Viktor Örn eldar á Apótekinu

Einn allra fremsti kokkur landsins mun elda ofan í gesti Apóteksins næstu daga.

Viktor Örn Andrésson, Bocus d´or verðlaunahafinn árið 2017, verður gestakokkur á Apótekinu í Austurstræti fram á sunnudag. Viktor hefur verið í íslenska kokkalandsliðinu frá árinu 2009 auk þess sem hann hefur starfað á mörgum af vinsælustu veitingastöðum landsins.

„Það er okkur sönn ánægja að fá þennan snilling í heimsókn í eldhúsið hjá okkur og ég veit fyrir víst að gestir Apóteksins verða ekki sviknir af réttunum sem hann framreiðir,“ er haft eftir Bergdísi Örlygsdóttur í fréttatilkynningu. Bergdís er einn af eigendum Apóteksins og markaðsstjóri veitingastaðarins.

Viktor hefur unnið til fjölda verðlauna á kokkaferlinum og má því búast við veislu fyrir bragðlaukana á fimm rétta seðlinum sem hann hefur sett saman af þessu tilefni, segir í fréttatilkynningunni. Á seðlinum er til dæmis að finna humar, nautalund, túnfisk, lakkrís, marsipan og gulbeðu, svo eitthvað sé nefnt.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim