Tæpur helmingur svarenda (46,6%) í könnun MMR á trausti almennings til dómskerfisins og ráðuneytis dómsmála segjast bera mikið traust til Hæstaréttar, 42,3% segjast bera mikið traust til dómsmálaráðuneytisins og 40,3% segjast bera mikið traust til héraðsdómstólanna.
Þetta kemur fram í tilkynningu frá MMR en á móti segist tæpur fjórðungur svarenda bera lítið traust til þessara stofnana.
Þegar spurt var um dómskerfið í heild voru 36,5% sem kváðust bera mikið traust til þess sem er nánast sami fjöldi og segist bera lítið traust til dómskerfisins, eða 34%.
Dómsvaldið mælist þannig njóta mikils trausts meðal töluvert fleiri en aðrar stoðir hins þrískipta ríkisvalds sem mældar voru í samskonar könnun MMR í september síðastliðnum. Þar reyndist ríkisstjórnin (framkvæmdavaldið) njóta mikils trausts meðal 21,9% svarenda og Alþingi (löggjafavaldið) naut mikils trausts meðal 18% svarenda.
Á móti voru 54,8% sögðust bera lítið traust til ríkisstjórnarinnar og 52,4% sem sögðust bera lítið traust til Alþingis.
Sjá könnunina í heild sinni HÉR.
