*

mánudagur, 19. nóvember 2018
Innlent 5. maí 2017 11:00

350 íbúðir á lóðum Heklu

Umtalsverð fjölgun íbúða og þjónustuhúsnæðis er fyrirhuguð við ofanverðan Laugaveg á athafnasvæði Heklu við Laugaveg og Brautarholt.

Ritstjórn
Dagur B. Eggertsson, borgarstjóri Reykjavíkur.
Haraldur Guðjónsson

Umtalsverð fjölgun íbúða og þjónustuhúsnæðis er fyrirhuguð við ofanverðan Laugaveg á athafnasvæði Heklu við Laugaveg og Brautarholt. Gert er ráð fyrir að fjöldi íbúða á svæðinu geti verið 320 til 350 íbúðir.

Dagur B. Eggertsson borgarstjóri og Friðbert Friðbertsson forstjóri Heklu skrifuðu undir viljayfirlýsingu um uppbygginguna á miðvikudaginn og verður hún samstillt við fyrirhugaðan flutning höfuðstöðva Heklu í Suður-Mjódd, en unnið er að því hjá Reykjavíkurborg að gera þá lóð úthlutunarhæfa.   

Nú stendur yfir hugmyndasamkeppni um framtíðarskipulag svæðis meðfram samgöngu- og þróunarás við Laugaveg og er niðurstöðu dómnefndar að vænta í næsta mánuði.