laugardagur, 6. febrúar 2016
Innlent 30. júlí 2012 09:00

50% framlegð á veitingum um borð hjá Iceland Express

Fyrir hvern bjór sem farþegar kaupa á 650 krónur um borð í vélum Iceland Express renna 325 krónur óskertar í vasa félagsins.

Guðni Rúnar Gíslason
Airbus A320 vél í litum Iceland Express.
Aðsend mynd

Í kröfu Iceland Express um gjaldþrotabeiðni KFS sem lögð var fyrir Héraðsdóm Reykjavíkur kemur fram hvernig félagið reiknar tapaða framlegð og það tjón sem það telur sig hafa orðið fyrir vegna hennar. Í útreikningum Iceland Express er miðað við sölu sömu mánuði árið 2010 og árið 2011. Mismunurinn á sölunni er svo tekinn og margfaldaður með þeirri framlegð sem fyrirtækið hefur af sölunni.

Í skjölunum kemur fram að framlegð á veitingasölu Iceland Express er 50% og 30% við sölu á tollfrjálsum varning. Því reiknast það  til að fyrir hvern bjór sem farþegar kaupa á 650 krónur um borð í vélum Iceland Express renna 325 krónur óskertar í vasa félagsins.

Stikkorð: Iceland Express Bjór Framlegð
Fréttabréf
Vikulegt fréttabréf Viðskiptablaðsins þar sem greint er frá því helsta sem gerst hefur í íslensku og erlendu viðskiptalífi.