Sigurður R. Ragnarsson er eini núverandi stjórnarmaður Samtaka iðnaðarins sem býður sig fram til endurkjörs í þau fjögur sæti sem losna í stjórninni á næstkomandi Iðnþingi.
6 aðrir sækjast eftir stuðningi í stjórnina, sem í heildina inniheldur 10 manns, en formaðurinn er kjörinn sérstaklega, en þar er Guðrún Hafsteinsdóttir markaðsstjóri Kjöríss ein í framboði.
Frambjóðendurnir sem berjast um þau fjögur sæti sem eru að losna eru kynntir á vef samtakanna , en það eru þau:
- Agnes Ósk Guðjónsdóttir framkvæmdastjóri GK snyrtistofu
- Ágúst Þór Pétursson, húsasmíðameistari
- Daníel Óli Óðinsson, framkvæmdastjóri JSÓ Járnsmiðja
- Guðmundur Skúli Viðarsson, ljósmyndair og eigandi Myndsköpun Ljósmyndagerð ehf. og markaðsfræðingur Hertz á Íslandi.
- Guðrún Halla Finnsdóttir, verkefnastjóri viðskiptaþróunar Norðuráls.
- Magnús Hilmar Helgason, framkvæmdastjóri Launafls ehf. í Fjarðarbyggð.
- Sigurður R. Ragnarsson, forstjóri ÍAV.