Laugardagur, 1. nóvember 2014
 
TölublöðVenjuleg útgáfa

Þeir ríkustu töpuðu 33 milljörðum dala í vikunni

19. maí 2012 kl. 12:29

Carlos Slim Helú

Hlutabréfavísitalan S&P 500 féll um 4,3% í vikunni og er það mesta lækkun í einni viku síðan í nóvember í fyrra.

Ríkasta fólk heims tapaði alls 32,8 milljörðum dala í síðustu viku, en S&P 500 hlutabréfavísitalan hefur ekki lækkað jafnmikil á einni viku síðan í nóvember í fyrra. Vísitalan féll um 4,3% eftir að grískum stjórnmálaflokkum mistókst að mynda stjórn og matsfyrirtækið Moody's lækkaði lánshæfiseinkunn sextán spænskra banka.

Í frétt Bloomberg segir að Mexíkóinn Carlos Slim hafi tapað einum 4,1 milljarði dala vegna þess að hlutabréf í fjarskiptafyrirtækinu America Movil féllu um 4,38%. Þá féll auður Bill Gates um 4,4% og fjárfestirinn Warren Buffett er 1,1 milljarði fátækari nú en fyrir viku síðan.