Laugardagur, 23. ágúst 2014
 
TölublöðVenjuleg útgáfa

Tilboð Iceland Express fjarlægt af vef Hópkaupa

Huginn og muninn
10. júlí 2012 kl. 10:52

Airbus A320 vél í litum Iceland Express.

Hópkaup auglýsti tilboð á flugi með Iceland Express. Nokkrum mínútum síðar var hægt að kaupa ódýrara flug á heimasíðu félagsins.

Það getur stundum verið vandlifað í heimi markaðssetningar og stundum eiga markaðsaðilar það til að missa sig eins og sagt er í því að selja þá vöru og þjónustu sem fyrirtæki þeirra bjóða upp á.

Í morgun varð nokkuð vandræðalegt atvik í markaðsheiminum. Vefsíðan Hópkaup, þar sem einstaklingar geta keypt vöru og þjónustu með miklum magnafslætti „í krafti fjöldans“, auglýsti í morgun tilboð á flugi til London með Iceland Express á 15.900 kr. Um var að ræða 15% afslátt.

Nokkrum mínútum eftir að Hópkaup sendi út tilboð sitt auglýsti Iceland Express hins vegar tilboð á flugi til London á vef sínum – á 15.700 kr. eða 200 krónum ódýrari en það sem í boði var á Hópkaup. 

Tilboðið hefur nú verið fjarlægt af vef Hópkaupa. Hér að neðan má sjá skjámynd af tilboðunum tveimur.



Allt
Innlent
Erlent
Fólk