Laugardagur, 25. október 2014
 
TölublöðVenjuleg útgáfa

Lántökukostnaður Spánar lækkar

30. júlí 2012 kl. 14:05

Fánar Spánar og Evrópusambandsins.

Yfirlýsingar helstu leiðtoga ESB um að allt verði gert til að halda evrusamstarfinu gangandi virðast ætla að skila sínu.

Yfirlýsingar helstu leiðtoga Evrópusambandsins ásamt Mario Draghi, bankastjóra Evrópska seðlabankans, um að allt verði gert til að halda evrusamstarfinu gangandi virðast ætla að skila sínu.

Ávöxtunarkrafa á tíu ára ríkisskuldabréf Spánar hefur nú lækkað niður í 6,5%. Ávöxtunarkrafa á slík bréf hefur aldrei verið hærri en í síðustu viku þegar hún náði hæst í 7,5%. Sambærileg krafa á ítölsk ríkisskuldabréf er nú 5,96%. Þetta kemur fram á vef breska ríkisútvarpsins BBC í dag. Enn er þó rúmlega 5% vaxtamunur á spænskum og þýskum ríkisskuldabréfum svo langt er í land. 

Forsvarsmenn bæði Ítalíu og Spánar hafa kvartað sáran undan of háum lántökukostnaði og eru þetta því góðar fregnir fyrir heimamenn sem vonast eftir áframhaldandi þróun í sömu átt.