Miðvikudagur, 20. ágúst 2014
 
TölublöðVenjuleg útgáfa

Zuckerberg lofar að selja ekki hlutabréf í Facebook

4. september 2012 kl. 22:25

Líklegt er að Mark Zuckerberg hafi verið að svara kalli meðeigenda sinna um að selja ekki hlutbréf sín í samskiptasíðunni.

Stærsti hluthafi Facebook lofaði í dag að selja enga hluti í félaginu í eitt ár. Yfirlýsingin hélt þó ekki aftur af frekari lækkunum.

Mark Zuckerberg, annar stofnenda Facebook, gaf út þá yfirlýsingu að hann myndi ekki selja hlutbréf í félaginu næstu 12 mánuði. Zuckerberg er stærsti hluthafi Facebook, á 503,6 milljónir hluta beint og í kaupréttarsamningum.

Þetta gerði hann þrátt fyrir að honum hefði verið heimilt að selja stóran hluta hlutabréfa sinna 14. október en um einn milljarður bréfa hefði þá mátt fara út á markaðinn. Hins vegar munu aðrir starfsmenn mega selja hlutabréf sín 29. október.

Þrátt fyrir yfirlýsingu Zuckerberg hafa hlutabréf Facebook lækkað um 1,8% það sem af er degi og um 53,8% frá útboði félagins í maí.



Allt
Innlent
Erlent
Fólk