Mánudagur, 24. nóvember 2014
 
TölublöðVenjuleg útgáfa

Skuldir Borgar­byggðar undir mörkum

Jón Aðalsteinn Bergsvein
12. september 2012 kl. 15:06

Frá Borgarnesi.

Skuldir Borgarbyggðar eru komnar undir 150% sem hlutfall af tekjum sveitarfélagsins. Leiga á dvalarheimili skiptir sköpum.

Skuldir Borgarbyggðar nema 146,3% sem hlutfall af tekjum og þar með 3,7% undir ákvæði sveitarstjórnarlaga um hámark skuldsetningar sveitarfélaga. Hlutfallið má vera 150% af tekjum. 

Fjallað er um málið í Skessuhorni sem kom út í dag og tekið fram að í reglugerðinni um fjármál sveitarfélaga er þeim heimilt að draga frá skuldahlutfalli leigutekjur frá ríkissjóði og þær lífeyrisskuldbindingar sem áætlað er að fyrst komi til greiðslu eftir 15 ár. 

Vitnað er til funda byggðarráðs Borgarbyggðar þar sem greinargerð frá KPMG um málið var lögð fram. 

Þessu til viðbótar er tekið fram í tilkynningu frá Borgarbyggð að framkvæmdir við nýja hjúkrunarálmu við dvalar- og hjúkrunarheimilið Brákarhlíð í Borgarnesi hafi verið fjármagnaðar af Borgarbyggð en 80% af framkvæmdakostnaði var endurgreiddur í gegnum leigu frá ríkissjóði.

Það er einmitt af þeim sökum sem skuldaviðmið Borgarbyggðar lækkar og fer undir viðmiðunarreglur.



Allt
Innlent
Erlent
Fólk