Miðvikudagur, 22. október 2014
 
TölublöðVenjuleg útgáfa

Henrik Normann: Ég skildi aldrei íslensku bankana

Bjarni Ólafsson
12. september 2012 kl. 19:54

Henrik Norman, forstjóri Norræna fjárfestingarbankans. Hann botnaði lítið í íslensku bönkunum vorið 2006.

Fyrrverandi yfirmaður greiningardeildar Danske Bank segir skýrsluna alræmdu um bankana árið 2006 hafa verið „fjandi góða“.

„Sumir Íslendingar vildu meina að við vildum Íslandi illt og fengum við m.a. símtal frá íslenska sendiráðinu í Danmörku. Ég verð að viðurkenna að ég skildi aldrei almennilega hvað íslensku bankarnir voru að gera,“ segir Henrik Normann, nýr forstjóri Norræna fjárfestingarbankans. Hann var yfirmaður greiningardeildar Danske Bank sem gaf út alræmda skýrslu um stöðu íslensku bankanna og olli heilmiklu fjaðrafoki hér vorið 2006.

Normann segir í ítarlegu viðtali við Viðskiptablaðið að þar sem starfsemi bankanna hafi verið honum hulin ráðgáta um það leyti sem skýrslan kom út þá hefði hann enn síður vilja leggja til þeirra fjármagn.

„Þetta var fjandi góð skýrsla. Ég er nógu íhaldssamur bankamaður til að vilja ekki setja fé í eitthvað sem ég skil ekki,“ segir hann.

Mikið vatn hefur runnið til sjávar síðan skýrslan kom út. Þótt skýrsluhöfundurinn Lars Christensen hafi fengið á baukinn á sínum tíma þá hafi Íslendingar tekið hann í sátt eftir að á daginn kom að hann hafði að stórum hluta rétt fyrir sér.

Lesa má ítarlegt viðtal við Henrik Normann í Viðskiptablaðinu sem kemur út á morgun. Meðal annars efnis í blaði morgundagsins er:

  • 66° Norður til sölu hjá stærstu útivistarkeðju Breta
  • Fyrrverandi Kaupþingstoppar ná sáttum
  • Hjörleifur Jakobsson eignast hlut í Hampiðjunni
  • Viðskiptablaðið skoðar fjárlagafrumvarpið frá ýmsum hliðum
  • Réðu ekki við stækkun álversins í Straumsvík
  • Útgáfufyrirtækið Heimur tekst enn á við kreppuna
  • Einar Hanesson Tómasson hjá Íslandsstofu ræðir um kvikmyndalandið Ísland
  • Allt um tekjurnar í boltanum 
  • Fallegustu veiðihúsin á Íslandi
  • Nýjustu græjurnar frá Apple
  • Nærmynd af Kristni Má Gunnarssyni, lykileigandi Andersen & Lauth og Cintamani
  • Óðinn skrifar um verðtrygginguna 
  • Huginn & Muninn eru á sínum stað auk Týs sem veltir fyrir sér fjárlögum
  • Og margt, margt fleira.