Mánudagur, 1. september 2014
 
TölublöðVenjuleg útgáfa

Iceland Express rukkar fyrir farangur

13. september 2012 kl. 09:22

Skarphéðinn Berg Steinarsson, forstjóri Iceland Express.

Skarphéðinn Berg Steinarsson segir að harðar verði gengið eftir því en áður að fylgjast með þyngd handfarangurs farþega.

Iceland Express ætlar að láta viðskiptavini sína greiða fyrir farangur í haust. Skarphéðinn Berg Steinarsson, forstjóri flugfélagsins, segir í samtali við netmiðilinn Túristi, að viðskiptavinir félagsins fái í kjölfarið það sem þeir greiða fyrir. Hann bendir á að flest flugfélög sem Iceland Express keppir við innheimti gjald sem þetta og því verði verðsamanburður auðveldur.

„Farþegi sem flýgur með engan farangur eða bara handfarangur á ekki að þurfa að borga fyrir farangur annarra farþega. Viðskiptavinir okkar eiga að fá það sem þeir borga fyrir, hvort sem það er sæti eða farangur. Við munum að sama skapi ganga ákveðnar eftir því að farið sé eftir þeim reglum sem gilda og heimila tíu kíló í handfarangur,“ segir Skarphéðinn.

Viðtal Túrista við Skarphéðinn Berg Steinarsson



Allt
Innlent
Erlent
Fólk