*

miðvikudagur, 24. október 2018
Innlent 20. september 2018 14:20

77 milljarða gjaldþrot Samson

Skiptum í Samson, sem hélt utan um eignarhlut Björgólfsfeðga í Landsbankanum, er lokið á tíu ára eftir að félagið fór í þrot.

Ritstjórn
Björgólfur Thor Björgólfsson.
Haraldur Guðjónsson

Skiptum er lokið í Samson eignarhaldsfélagi ehf., fjárfestingafélagi Björgólfsfeðga, Björgólfs Guðmundssonar og Björgólfs Thors Björgólfssonar, sem stofnað var utan um kaup á hlut ríkisins í Landsbankanum árið 2002.

Lýstar kröfur námu 77,4 milljörðum króna, en 6,5 milljarðar króna fengust upp í kröfurnar eða 8,6% að því er fram kemur í Lögbirtingablaðinu í dag. Almennar kröfur námu 48,6 milljörðum króna, veðkröfur, 28,9 milljörðum króna, forgangskröfur á 1,7 milljónum króna og búskröfur námu 1,6 milljón króna.

Á árunum 2005 og 2006 hóf Samson aðrar fjárfestingar, til dæmis í fasteignafélaginu Samson Properties. Í kjölfar yfirtöku ríkisins á Landsbankanum í október 2008 var óskað eftir því að félagið yrði tekið til gjaldþrotaskipta og var félagið lýst gjaldþrota 12. nóvember 2008 og tóku gjaldþrotaskipti félagsins því tæpan áratug.