Mánudagur, 1. september 2014
 
TölublöðVenjuleg útgáfa

Vilja kaupa 12-16 nýjar vélar í flota Icelandair

Gísli Freyr Valdórsson
2. desember 2012 kl. 08:43

Flugfloti Icelandair hefur stækkað nokkuð hratt síðustu ár. Félagið mun á næsta ári notast við 18 Boeing 757 vélar (17 B757-200 og eina B757-300) en árið 2009 voru vélarnar 11 talsins.

Verði tekin ákvörðun um að kaupa vélar kann fjárfestingin að nema hátt í 100 milljörðum króna á núvirði. Stjórnin nálgast niðurstöðu.

Stjórn Icelandair Group mun á næstu vikum taka ákvörðun um flotamál samstæðunnar. Ef stjórnin tekur ákvörðun um að bæta nýjum flugvélum í flota félagsins verður hér um eina stærstu fjárfestingarákvörðun íslensks fyrirtækis að ræða á seinni árum, í það minnsta ef horft er til kaupa á atvinnutækjum.

Sérstök flotanefnd á vegum samstæðunnar átti í viðræðum við bandaríska flugvélaframleiðandann Boeing sem og evrópska framleiðandann Airbus. Samkvæmt heimildum Viðskiptablaðsins hafa viðræðurnar miðast við kaup á 12 nýjum vélum, auk kaupréttar á 12 vélum til viðbótar. Þó hafa verið ræddar hugmyndir um kaup á 16 vélum og kauprétt á átta vélum, en samkvæmt heimildum blaðsins miðast ákvörðunin við kaup á 12 vélum.

Það er rétt að taka fram að það er töluverður munur á staðfestum kaupum annars vegar (e. firm order) og kauprétti (e. option) hins vegar, þar sem þeim fylgir lítil sem engin skuldbinding og flugfélög hafa töluverðan tíma til að falla frá þeim kjósi þau svo. Hér er því réttara að tala um kaup á 12-16 vélum en ekki 24 vélum.

 

Nánar er fjallað um mögulegar flugvélafjárfestingar Icelandair Group í fréttaskýringu í Viðskiptablaðinu. Áskrifendur geta nálgast blaðið undir liðnum tölublöð hér að ofan.



Allt
Innlent
Erlent
Fólk