*

sunnudagur, 21. apríl 2019
Innlent 23. október 2018 16:13

9 milljóna evra inngrip

Seðlabanki Íslands greip inn í gjaldeyrismarkað í annað sinn á síðustu tveimur mánuðum rétt eftir kl 15 í dag.

Ritstjórn
Haraldur Guðjónsson

Seðlabanki Íslands greip inn í gjaldeyrismarkað rétt eftir kl 15 í dag til þess að sporna gegn veikingu krónunnar sem hafði veikst um 1,92% gagnart evru það sem af var degi. Áður hafði Fréttablaðið greint frá inngripinu en samkvæmt heimildum Viðskiptablaðsins nam inngripið 9 milljónum evra eða því sem nemur rúmlega 1,2 milljörðum króna. Er þetta sama upphæð og Seðlabankinn greip inn í með þann 11. september síðastliðinn. 

Varð inngripið til þess að veiking krónunnar gekk að mestu leyti til baka. Veiking krónunnar í dag gagnvart evru nam 0,52% í stað 1,92% en kaupgengi evru er nú 135,65 kr. Kl 15 hafði gengi krónu veikst um 2,04% gagnvart dollar en veikingin eftir inngripið nam 0,41% og er kaupgengi dollar nú 118,14 kr. 

Upphæð inngripsins er hins vegar einungis brot af af gjaldeyrisforða Seðlabankans en hreinn forði bankans nam 702,8 milljörðum króna í lok september mánaðar. Inngripið nam því tæplega 0,2% af gjaldeyrisforðanum.

Stikkorð: Krónan Gjaldmiðlar
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim