*

fimmtudagur, 18. október 2018
Innlent 9. janúar 2008 12:32

Á hádegi: Exista lækkar um 7,7%

Ritstjórn

Úrvalsvísitalan hefur lækkað um 3,6% og er 5.449 stig við hádegi, samkvæmt upplýsingum frá Markaðsvakt Mentis. Veltan nemur fimm milljörðum króna. Úrvalsvísitalan hefur lækkað um 13,7% frá áramótum.

Strax við opnun markaðar fór hann í þetta horf. Flestallir erlendir markaðir hafa líka lækkað - en Wall Street lækkaði í gær.

Exista [EXISTA] hefur lækkað um 7,7% við hádegi og um 27% frá áramótum, FL Group [FL] hefur lækkað um 6,5% í dag og um 24% frá áramótum, Spron [SPRON] hefur lækkað um 5,6%, Straumur [STRB] hefur lækkað um 4,2% og Landsbankinn [LAIS] hefur lækkað um 4%.

Fjárfestingafélög eru næmust fyrir hreyfingum á hlutabréfamörkuðum, aukinheldur er Spron með stóran stöðu í Exista.

Gengi krónu hefur veikst um 1,3% og er 121,7 stig.