*

mánudagur, 27. maí 2019
Fólk 18. ágúst 2016 16:07

Aðalheiður í stjórn Afstöðu

Lögmaðurinn og fyrrum starfsmaður þingflokks Pírata, Aðalheiður Ámundadóttir tekur sæti í stjórn félags fanga.

Ritstjórn

Aðalheiður Ámundadóttir, lögmaður tekur sæti í stjórn Afstöðu, félags fanga á Íslandi. Aðalheiður verður þar með hvort tveggja fyrsta konan sem situr í stjórn félagsins, sem og fyrsti stjórnarmaðurinn sem ekki er sjálf fangi eða aðstandandi fanga.

Aðalheiður er lögfræðingur en hún lét nýverið af störfum sem starfsmaður þingflokks Pírata á Alþingi. Hefur hún heimsótt flest fangelsi landsins á undanförnum árum og verið í góðum samskiptum við stjórn Afstöðu segir í yfirlýsingu Guðmundar Inga Þóroddssonar formanns félagsins.

Jafnframt segir í yfirlýsingunni:

„Afstaða hefur undanfarin ár barist ötulega fyrir auknu vægi betrunar í stað refsistefnu með það að markmiði að fækka endurkomum í fangelsi. Við þessa hagsmunagæslu er mikilvægt að hafa talsmann og erindreka utan fangelsisins enda mikið starf unnið þar.

Mikilvægt er að fangar geti komið umkvörtunarefnum og því sem miður fer á framfæri við fjölmiðla og stjórnvöld án þess að þurfa að óttast afleiðingar þess í afplánun sinni, en fangar eru eðli málsins samkvæmt í þeirri aðstöðu að eiga alla sína velferð undir þeim sem fangelsunum stýra og því kann þeim að virðast erfitt að gagnrýna sömu aðila opinberlega.

Þátttaka Aðalheiðar, sem sjálfstæðrar stjórnarkonu, í stjórn Afstöðu mun auka trúverðugleika og vigt félagsins og er mikilvægt skref til þess að halda hinu góða starfi áfram.“

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim