*

mánudagur, 12. nóvember 2018
Innlent 7. september 2018 08:39

Advania frestar skráningu á markað

Markmið um fjármögnun náðust með hlutafjáraukningu, og því hefur skráningu á markað í Svíþjóð verið slegið á frest.

Ritstjórn
Ægir Már Þórisson er forstjóri Advania.
Aðsend mynd

Advania hefur ákveðið að fresta fyrirhugaðri skráningu félagsins á hlutabréfamarkað í Svíþjóð, að því er fram kemur í umfjöllun Fréttablaðsins. Markmið um fjármögnun, sem voru ástæða skráningarinnar, náðust með hlutafjáraukningu.

Fyrirtækið hyggst stækka verulega, að lágmarki tvöfaldast að stærð á næstu árum, til að geta keppt betur á norðurlöndunum, en ekki var horft til íslenska hlutabréfamarkaðarins vegna smæðar hans.

Í gær var sagt frá því að Advania hafi keypt hugbúnaðarfyrirtækið Wise, en Advania horfir nú til kaupa á fleiri tæknifyrirtækjum á norðurlöndunum.

Stikkorð: Advania