*

föstudagur, 19. október 2018
Innlent 10. október 2018 18:10

Advania smíðar nýja skipaskrá

Advania hefur verið falið að smíða nýja skipaskrá fyrir Samgöngustofu. Advania var hlutskarpast í útboði Ríkiskaupa á verkinu.

Ritstjórn
Varðskipið Þór.
Aðsend mynd

Advania hefur verið falið að smíða nýja skipaskrá fyrir Samgöngustofu. Nýja kerfið á að sameina sjálfa skipaskrána sem heldur utanum upplýsingar um stærð og staðsetningar skipa, og lögskráningu sjómanna á skipum með upplýsingum um hvern skipverja.

Nýja skipaskráin hefur fengið nafnið Skútan og er áætlað að hún verði komin í gagnið í ágúst 2019. Hún á að sameina tvo mikilvæga leitar- og skráningagagnagrunna sem notaðir eru af starfsmönnum Samgöngustofu. Með því að sameina gagnagrunnanna í einn næst hagræðing sem einfaldar vinnubrögð og sparar tíma. Advania var hlutskarpast í útboði Ríkiskaupa á verkinu.

Stikkorð: Advania