Enn er stefnt að því að klára vinnu við gerð nauðasamninga Glitnis fyrir áramót, að sögn Steinunnar Guðbjartsdóttur, formanns slitastjórnar Glitnis.
„Núna er unnið að skjalagerð og við stefnum að því að leggja frumvarp að nauðasamningum fyrir kröfuhafafund fyrir áramót.“
Samkvæmt heimildum Viðskiptablaðsins miðar vinnu við gerð nauðasamninga Kaupþings sömuleiðis ágætlega og er stefnt að því að ljúka þeim fyrir áramót.
