*

laugardagur, 25. maí 2019
Innlent 15. október 2018 19:01

Ætla að umbylta aðgengi að námsefni

Verkefnið Skilvirkt lærdómssamfélag bar sigur úr býtum í Verkkeppni Viðskiptaráðs sem haldin var í annað sinn nú um helgina.

Ritstjórn
Sigurliðið í verkkeppni Viðskiptaráðs ásamt Lilju Dögg Alfreðsdóttur, mennta- og menningarmálaráðherra.
Aðsend mynd

Verkefnið Skilvirkt lærdómssamfélag bar sigur úr býtum í Verkkeppni Viðskiptaráðs sem haldin var í annað sinn nú um helgina. Sigurvegarar Verkkeppni VÍ hyggjast umbylta aðgengi að námsefni en liðið var skipað einstaklingum á aldrinum 16-46 ára með afar fjölbreyttan bakgrunn. Þetta kemur fram í tilkynningu frá Viðskiptaráði Íslands.

Sex lið öttu kappi en þau samanstóðu af 3-6 einstaklingum. Liðin kepptust um að móta hugmynd sem svaraði spurningunni „Hvernig lærir fólk framtíðarinnar?“. Ótal mörg tækifæri fylgja tæknivæðingunni og hinni svokölluðu 4. iðnbyltingu sem nú gengur yfir en áskoranir felast í því að nýta nýjar leiðir til að miðla upplýsingum, mennta einstaklinga og sinna störfum á fjölbreyttari hátt en áður.

Sigurliðið samanstóð af þeim Eyþóri Mána Steinarssyni, verkefnastjóra hjá Skemu, Úlfari Harra Elíassyni, framhaldsskólakennara, Gunnhildi Fríðu Hallgrímsdóttur framhaldsskólanema, Þorgrími Kára Emilssyni, sölumanni og Halldóru Guðlaugu Helgadóttur, leikskólaráðgjafa.  

Dómnefndina skipuðu þau Lilja Dögg Alfreðsdóttir, menntamálaráðherra, Ari Kristinn Jónsson, rektor HR, Jón Atli Benediktsson, rektor HÍ, Katrín Olga Jóhannesdóttir, formaður Viðskiptaráðs Íslands og Sigurborg Ósk Haraldsdóttir, formaður umhverfis- og skipulagsráðs Reykjavíkurborgar. 

Stikkorð: Viðskiptaráð Íslands
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim