*

fimmtudagur, 20. september 2018
Innlent 13. september 2018 13:08

Afkoma Akureyrar betri en áætlað var

Rúmlega 200 milljón króna afgangur var af rekstri Akureyrarbæjar á fyrri hluta ársins, en gert var ráð fyrir tæpum 600 milljóna halla.

Ritstjórn
Hótel Kea og Akureyrarkirkja, í miðbæ Akureyrar.
Aðsend mynd

207 milljóna króna afgangur var af rekstri Akureyrarbæjar á fyrri hluta ársins, en í rekstraráætlun fyrir tímabilið hafði verið gert ráð fyrir 572 milljóna króna tapi.

Rekstrartekjur námu 12,5 milljörðum, 400 milljónum meira en áætlun gerði ráð fyrir og 6,5% meira en á sama tímabili árið áður, og rekstrargjöld 11 milljörðum, rúmum 100 milljónum minna en áætlað var og tæpum 5% meira en á fyrra ári. Þá voru hrein fjármagnsgjöld 200 milljónum lægri en áætlað hafði verið, en þó 39% hærri en á fyrra ári.

Í júnílok námu heildareignir 48,9 milljörðum og höfðu aukist um 7% frá áramótum. Eigið fé nam 20,4 milljörðum og hækkaði um 1% frá áramótum, og eiginfjárhlutfall því tæpum 42%.

Stikkorð: Akureyri