Hlutabréfaverð í Spotify lækkaði eftir að félagið skilaði sinni fyrstu afkomutilkynningu síðan það var skráð á markað en afkoma þess olli fjárfestum vonbrigðum að því er BBC greinir frá .
Sænska hugveitan tilkynnti að tap fjórðungsins hefði numið 49 milljónum evra eða rúmlega 6 milljörðum króna á fyrsta ársfjórðungi ársins sem er talsverð bæting frá því í fyrra þegar tapið nam 139 milljónum evra.
Greinendur höfðu gert ráð fyrir svipaðri afkomu og raunin varð en fjárfestar voru greinilega með hærri væntingar.
Tekjur Spotify námu í heildina rúmum 1,1 milljarði evra á fjórðungnum. Notendafjöldi félagsins náði 170 milljónum en aðeins tæplega helmingur þeirra greiða fyrir notkunina.
