Fyrr á þessu ári samþykktu íslenska ríkið, Reykjavíkurborg og KSÍ að stofna undirbúningsfélag um mögulega uppbyggingu nýs Laugardalsvallar. Að sögn Guðna Bergssonar, formanns KSÍ, er vinna fram undan hjá undirbúningsfélaginu við að taka lokaskrefin áður en endanleg ákvörðun verður tekin.
„Vonandi verðum við í stöðu til að taka ákvörðun í lok þessa árs eða byrjun þess næsta. Það er sá tímarammi sem var hugsaður til þess að ljúka þessari vinnu," segir Guðni.
