*

mánudagur, 19. nóvember 2018
Innlent 4. mars 2014 10:34

Aldrei hafa fleiri flogið með lággjaldaflugfélögum

Sætanýting hjá Wow air var 81% í fyrra. Hún var að jafnaði 84% hjá evrópskum lággjaldaflugfélögum.

Ritstjórn

Metár var slegið í Evrópu í fyrra þegar 216 milljónir farþega flaug með lággjaldaflugfélögum. Þetta er 43% af öllum flugfarþegum sem fóru á milli evrópskra flugvalla og hafa þeir aldrei verið fleiri.

Netmiðillinn Túristi fjallar um nýja samantekt frá ELFAA, samtökum tíu stærstu lággjaldaflugfélaga Evrópu, um málið. 

Í umfjölluninni segir að sætanýting hafi að jafnaði verið 84% í flugunum. Til samanburðar var 81% sætanýting hjá Wow air í fyrra. 

Langstærstu lággjaldaflugfélagin eru Ryanair og easyJet og Norwegian í þriðja sæti.