Alfreð Þorsteinsson, fyrrverandi stjórnarformaður Orkuveitu Reykjavíkur (OR), hafði ekki tök á að mæta á fund Úttektarnefndar um starfsemi OR á árunum 2002 til loka árs 2010 vegna langvarandi sjúkrahúslegu. Hins vegar hafði hann mikinn áhuga á að ræða við hana.
Þetta kemur fram í tilkynningu frá Úttektarnefndinni.
Í skýrslu nefndarinnar sem kom út í gær eru öll ummæli Alfreðs um OR höfð eftir honum úr útvarpsviðtali í spjallþættinum Sprengisandur á Bylgjunni í apríl í fyrra.