*

fimmtudagur, 15. nóvember 2018
Innlent 13. október 2016 10:08

Álftafjarðargöng á dagskrá

Alþingi hefur veitt fé til rannsókna á Álftafjarðargöngum, sem myndu bæta samgöngur á norðanverðum Vestfjörðum.

Ritstjórn
Álftafjarðargöng myndu koma í staðinn fyrir erfiðan veg um Súðavíkurhlíð, en vegurinn lokast oft á vetrum.
Haraldur Guðjónsson

Alþingi samþykkti í gær að veita fé til rannsókna á Álftafjarðargöngum. Fráfarandi þingmaður, Ólína Kjerúlf Þorvarðardóttir, mælti fyrir breytingartillögu þingmanna Norðvesturkjördæmis þess efnis. Þetta kemur fram á vef fréttaveitunnar BB.is.

Samkvæmt vefnum hafa göngin lengi verið í umræðunni meðal Vestfirðinga og sér í lagi íbúa norðanverðra Vestfjarða en aldrei ratað inn á samgönguáætlun.

Ólína var klökk að lokinni atkvæðagreiðslu í þinginu og sagði málið hafa verið baráttumál sitt í mörg ár og baráttumál margra Vestfirðinga.

Nú sé búið að koma þessum göngum og þessari brýnu samgöngubót og umferðaröryggismáli á dagskrá.