*

miðvikudagur, 24. apríl 2019
Erlent 19. apríl 2018 17:13

Allergan íhugar tilboð í Shire

Allergan sameinaðist við Actavis árið 2015 en seldi síðar samheitalyfjahluta sameinaðs félags til Teva.

Ritstjórn
Aðsend mynd

Lyfjafyrirtækið Allergan, sem sameinaðist Actavis árið 2015 og seldi síðar samheitalyfjahluta Actavis til ísraelska félagsins Teva, er nú sagt vera að íhuga að draga fram tékkheftið að nýju. 

Allergan er á vef The Wall Street Journal sagt áhugasamt um lyfjafyrirtækið Shire, sem meðal annars framleiðir Adderall, lyfið sem er notað í meðferð við ADHD. Shire er einn af helstu samkeppnisaðilum Allergan þegar kemur að augnlyfjum.

Fleiri hafa litið hýru auga til Shire en í vikunni bauð japanska lyfjafyrirtækið Takeda 60 milljarða dala í fyrirtækið en því tilboði var hafnað vegna þess að það þótti alltof lágt. Tilboðið var þó 50% yfir markaðsvirði Shire þegar fyrst heyrðist af áhuga Takeda í síðasta mánuði.

Eftir að Allergan tilkynnti að það væri að íhuga tilboð í Shire féllu hlutabréf félagsins um 7% og því lítur út fyrir að fjárfestar séu ekki spenntir fyrir yfirtökubaráttu.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim